यंदाच्या विधानसभा निवडणुकीत राज्यातील महिलांनी मोठ्या प्रमाणात मतदान केले, आणि त्याचा फायदा भाजप महायुतीला झाला. यामागे लाडकी बहिण योजना हा मोठा कारणीभूत ठरल्याचे बोलले जात आहे. या योजनेच्या निकषांमध्ये बदल होण्याची शक्यता आहे
योजनेचा निवडणुकीतील प्रभाव
लाडकी बहिण योजना निवडणुकीपूर्वी सुमारे 2 कोटी महिलांच्या बँक खात्यात पाच महिन्यांची रक्कम जमा करण्यात आली. यामुळे महिलांचा महायुतीकडे कल वाढला. विरोधकांनी प्रचार केला की महायुतीला पुन्हा सत्ता मिळाल्यास ही योजना बंद होईल. मात्र, महायुती सरकारने योजना सुरूच राहील असे स्पष्ट केले आहे, पण काही बदल होण्याची शक्यता व्यक्त केली आहे.
काय बदल होऊ शकतात?
सध्याच्या निकषांनुसार एका कुटुंबातील सर्व महिलांना योजनेचा लाभ मिळतो. मात्र, लवकरच एका कुटुंबातील फक्त दोन महिलांनाच याचा फायदा दिला जाईल, असे बोलले जात आहे. योजनेत मिळणारी रक्कम (सध्या ₹1500) लगेच वाढवली जाणार नाही. आर्थिक शिस्त राखण्यासाठी हे बदल करण्यात येत असल्याचे सांगण्यात आले आहे.
सध्याचे निकष
- वय: 18 ते 60 वर्षे
- कौटुंबिक वार्षिक उत्पन्न: ₹2.5 लाखांपेक्षा कमी
- कुटुंबातील कोणताही सदस्य सरकारी कर्मचारी किंवा आयकरदाता नसावा
लाडकी बहिण योजना 28 जून 2024 रोजी महाराष्ट्र सरकारने सुरू केली. या योजनेमुळे आर्थिकदृष्ट्या दुर्बल महिलांना मदत मिळते. या योजनेचे बदल महिलांसाठी फायदेशीर ठरतील की चिंताजनक, हे येत्या काळात समजेल.